Türkmenistanyň Agrar partiýasy
Türkmenistanyň Agrar partiýasynyň Lebap welaýat komitetiniň gurnamagynda Lebap welaýat atçylyk sport toplumynyň mejlisler zalynda 2022-nji ýylyň “Halkara Arkadagly zamanasy” diýip atlandyrylmagy we Hormatly Prezidentimiziň täze ýyl agşamy öz raýatlaryna sowgat eden “Jan Watanym Türkmenistan!” atly goşgusyny wagyz etmek maksatly dabaraly maslahat geçirildi. Dabaraly maslahata Milli Geňeşiň Mejlisiniň deputatlary, Agrar partiýanyň işjeň agzalary, welaýatyň oba hojalyk toplumynyň işgärleri, Türkmenabadyň Agrosenagat orta hünär okuw mekdebiniň mugallymlary we talyp ýaşlary işjeň gatnaşdylar.
Dabaraly maslahatda çykyş edenler Hormatly Prezidentimiziň täze ýyl gutlagyna bagyşlap eden taryhy çykyşy, täze ýyl agşamy öz maşgala ojagynda ogul-gyzlarynyň agtyklarynyň arasynda okap beren “Jan Watanym Türkmenistan!” goşgusynyň many-mazmuny, watançylyk terbiýesindäki ähmiýeti, öz Watanyňy jandan eziz söýmegiň mekdebiligini nygtap, buýsanç bilen ol goşgyny gaýta-gaýta okap, ruhy joşgun paýladylar.
Dabaraly maslahatda çykyş edenler Hormatly Prezidentimiziň agrar syýasaty esasynda oba senagat toplumynda durmuşa geçirýän maksatnamalaýyn işlere öz şatlyklaryny birek-birekleri bilen paýlaşdylar. Milli Liderimiziň oba hojalyk pudagyna sanly ulgamy ornaşdyrmak, täze tehnikalary ýylyň-ýylyna satyn almak, daýhanlara döredip berýän giň şertleri üçin, oba hojalyk önümlerini öndürijilere, gaýtadan işleýän kärhanalara döredip beren giň şertleri üçin köp-köp sag bolsun aýtdylar.
Dabaraly maslahata gatnaşan ildeşlerimiz oba senagat pudagyny ösdürmek, iň düşewüntli pudaga öwürmek boýunça durmuşa geçirýän beýik işlerini taryplap, welaýatymyzyň ähli oba hojalyk işgärleriniň adyndan öz hoşallyklaryny bildirip, Halkyň Arkadagly zamanasynyň her bir toý-baýramyna özleriniň zähmet üstünlikleri bilen garşylajakdyklaryny berk ynandyrdylar.
Türkmenistanyň Agrar partiýasynyň Lebap welaýat komitetiniň Guramaçylyk we syýasy işler bölüminiň müdiri Bagtyýar Derkarow