Türkmenistanyň Agrar partiýasy
Arkadag Serdarly bagtyýar ýaşlar ýylynyň galla oragy möwsümine Daşoguz welaýatynyň edermen gallaçylary guramaçylykly girişdiler. Şu mynasybetli welaýatymyzda iň öňdebaryjy etraplarynyň biri bolan Görogly etrabynyň Magtymguly daýhan birleşiginiň uly baýramçylyk çäresi geçirildi. Galla oragyna girişilmegi mynasybetli geçirilen bu çärä welaýatymyzyň oba hojalyk edara kärhanalaryň ýolbaşçylary, jemgyýetçilik guramalaryň işgärleri, öňdebaryjy kärendeçiler gatnaşdylar. Bu ýerde ýaýbaňlandyrylan sergilerde Garaşsyzlyk ýyllary içinde oba hojalyk pudagynda ýetilen belent sepgitler giňden açylyp görkezildi. Dürli oba hojalyk önümleriniň, oba hojalygynda ulanylýan gurallaryň, ýokary iş öndürijilikli tehnikalarynyň gelin gyzlarymyzyň el işleriniň dürli görnüşleriniň sergilerini synlanyňda ata Watana bolan çäksiz söýgini has-da goşalandyrýar. Çünki Gahryman Arkadagymyzyň başyny başlan Arkadagly Serdarymyzyň parasatly yolbaşçylygynda berkarar ýurdumyzda ähli pudaklary sazlaşykly ösdürmek, halkymyzyň ýaşaýyş durmuş derejesini barha gowlandyrmak döwlet syýasatynyň ileri tutulýan ugurlarynyň esasy bolup durýar. Şeýle hem bu ýerde Welaýatymyzyň medeniýet we sungat ussatlarynyň aýdym sazly çykyşlar, joşgunly tanslary çäräniň şatlyk şowhunyny has-da artdyrdy.
Biz hem Türkmenistanyň Agrar partiýasynyň welaýat, şäher etrap komitetleriniň işgärleri medeniýet bölümi bilen bilelikde jogapkärli möwsüm bolan galla oragy möwsüminde meýdan düşelgelerinde aýdym sazly medeni çäreleri geçirmegi, öňdebaryjy kärendeçileri, mehanizatorlary, awtoulag sürüjilerini ýadygärlik sowgatlar, hormat hatlar bilen sylaglamgy göz oňünde tutýarys. Geçiriljek medeni çärelerimiz galla oragy möwsüminiň depginli gitmegine, oba zähmetkeşleriniň işe bolan höwesini artdyrmaga uly mümkinçilik berer. Oba hojalyk pudagynda düýpli ozgertmeler maksatnamasyny durmuşa geçirýän Türkmen halkynyň Milli Lideri Gahryman Arkadagymyzyň, Arkadagly Serdarymyzyň janlary sag bolsun, ömürleri uzak bolsun her bir döwletli işleri elmydama rowaçlyklara beslensin. Harmanyňyza bereket Gahryman Arkadagymyz, harmanyňyza bereket Arkadagly Serdarymyz, harmanyňyza bereket edermen babadaýhanlar.
Çynar Berdikulyýewa
Türkmenistanyň Agrar partiýasynyň Daşoguz welaýat komitetiniň esasy hünärmeni.