Türkmenistanyň Agrar partiýasy
Köneürgenç etrap häkimliginiň, zenanlar we jemgyýetçilik guramalary, medeniýet bölümi bilen bilelikde Köneürgenç etrabynyň Köneürgenç şäheriniň “Kakow” toý mekanynda halkara zenanlar güni mynasybetli “Kerem-keramatdyr mährem eneler” ady bilen aýdym-sazly baýramçylyk çäresi geçirildi. Çräniň geçiriljek ýeriniň dürli güller, 8-nji mart zenanlar günini alamatlandyrýan şekiller, foto suratlar bilen bezelmegi çäräniň täsirliligini has-da artdyryp, bagtyýar zenanlarda ýatdan çykmajak duýgulary oýardy. Çärä kümüş saçly enelerimiz, etrabymyzyň dürli pudaklarda, dürli kärlerde zähmet çekýän zenanlarymyz gatnaşdylar. Nazu-nygmatdan doly saçak başyna jemlenen bagtyýar zenanlar birek biregi halkara zenanlar güni bilen gutladylar, zenan mertebesini belende göterýän Gahryman Arkadagymyza, Arkadagly Gahryman Serdarymyzyň adyna çuňňur hoşallyk sözlerini aýtdylar. Dabaranyň dowamynda aýdym sazly çykyşlara uly orun berildi. Etrabymyzyň tanymal aýdymçylary Nurmuhammet Gurbanow, Perman Babajanow, Agamyrat Soltanmyradow, Kakajan Rahmanow Arazsoltan Hallyýewa, Jeren Amanowa dagylaryň, medeniýet merkeziniň tans toparynyň, Köneürgenç etrap çagalar sungat mekdebiniň hor we tans toparynyň aýdym-sazly çykyşlarynda, joşgunly tanslarynda zenan mertebesini, zenanlara goýulýan belent sylag hormaty, ene mukaddessligini, Gahryman Arkadagymyzyň, Arkadagly Gahryman Serdarymyzyň beýik işlerini wasp etdiler.
Türkmenistanyň Agrar partiýasynyň Daşoguz welaýatynyň Köneürgenç etrap komitetiniň esasy hünärmeni, zenanlar guramasynyň işjeň agzasy Gülhumar HOJAHMETOWA