Türkmenistanyň Agrar partiýasy
Türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň ýolbaşçylygynda ýaňy-ýakynda geçirilen Halk Malahatynyň Prezidiumynyň mejlisinde ara alnyp maslahatlaşylan wezipelerden gelip çykýan netijeleri wagyz etmek maksady bilen Daşoguz şäher häkimligi we TAP-nyň Daşoguz şäher komiteti bilen bilelikde guramagynda “Türkmenistanyň Halk Maslahaty-röwşen geljegimiziň binýady” atly şygar astynda wagyz-nesihat maslahaty geçirildi. Daşoguz şäher häkimliginiň mejisler zalynda geçirilen maslahata şäher halk maslahatynyň agzalary, ýaşuly nesliň wekilleri,syýasy-jemgyýetçilik guramalarynyň işjeň agzalary gatnaşdylar.
Maslahatynyň dowamynda Hormatly il ýaşulusy Baýrammyrat Allanazarow, Daşoguz şäheriniň 15-nji orta mekdebiniň müdiri, mährem ene Ogulbagt Amanniýazowa, welaýat Taryhy we ülkäni öwreniş muzeýiniň direktory, şäher halk maslahatynyň başlygy Allanazar Garajanow, TAP-nyň Daşoguz şäher komitetiniň başlygy Jennet Saparowa, TDP-niň Daşoguz şäher komitetiniň başlygy Allanazar Müňbaýew, TMÝG-niň Daşoguz şäher geňeşiniň Guramaçylyk bölüminiň müdiri Çynar Mämedowa dagy çykyş etdiler. Çykyşlaryň dowamynda wekilçilikli edaranyň nobatdaky mejlisine taýýarlyk görmek boýunça seredilen meseleleriň ählisiniň hem döwletiň we jemgyýetiň durmuşyny mundan beýläk-de ilerletmegiň ugurlaryny öz içine alýandygyny uly buýsanç bilen belläp geçdiler. Gahryman Arkadagymyzyň Halk Maslahatynyň nobatdaky mejlisini çagyrmak we guramaçylykly geçirmek, şeýle hem Halk Maslahatynyň Ýaşulular geňeşi hakynda taryhy kararlar gol çekmeginiň türkmen jemgyýetiniň asyrlaryň dowamynda ösdürip gelen demokratik ýörelgeleriniň häzirki wagtda döwrebap derejede has-da kämilleşdirilýändigini we pugtalandyrylýandygyny, döwlet durmuşyny ösdürmekde durmuş tejribesi baý bolan ýaşulularyň pikir-garaýyşlaryna uly ähmiýet berýändigini, bularyň bolsa ýurdumyzyň we halkymyzyň abadançylygyny öz içine alýandygyny täsirli söhbetlerde nygtap geçildi.
Maslahata gatnaşyjylar bize şeýle ajaýyp durmuşda ýaşamaga uly mümkinçilik döredip berýän Gahryman Arkadagymyzyň, Arkadagly Serdarymyzyň janlarynyň sag, belent başlarynyň aman bolmagynyň, il-ýurt bähbitli tutumly işleriniň hemişe rowaçlyklara beslenmegini arzuw etdiler.
Jennet Saparowa Türkmenistanyň Agrar partiýasynyň Daşoguz şäher komitetiniň başlygy