Türkmenistanyň Agrar partiýasy
Berkarar döwletimiziň täze eýýamynyň Galkynyşy döwründe 2024-nji “Pähim-paýhas ummany Magtymguly Pyragy” ýylynda döwletimiz Arkadagly Gahryman Serdarymyzyň ýolbaşçylygynda ösýär, özgerýär, onuň at abraýy barha belende galýar.
Arkadagly Gahryman Serdarymyzyň hemaýat goldawlary, özgertmeleri bilen önümçiligiň ähli ugurlarynda sazlaşykly ösüşler gazanylýar. Ähli ugurlar bilen bir hatarda oba-hojalygynda özgertmeler geçirilip, ol öz netijesini berýär.
Biz hem Türkmenistanyň Agrar partiýasynyň Lebap welaýat we etrap komitetleriniň işgärleri, ýerlerde döredilen wagyz-nesihat toparlarymyzyň agzalary bilen bilelikde Arkadagly Gahryman Serdarymyzyň oba-hojalygyny özgertmekde alyp barýan syýasatyny, karardyr, permanlaryny oba-hojalykçylaryň arasynda giňden wagyz edýäris.
Häzirki günlerde hem pagta ýygymy gyzgalaňly dowam edýär. Biz hem pagta ýygymy möwsüminde Saýat etrabynyň daýhan birleşiklerindäki ýygymçylaryň armasyny ýetirip durýarys. Olaryň dynç alyş wagtynda aýdym-sazly çäreleri, sergileri gurnaýarys. Şeýle hem olaryň arasynda bäsleşikleri geçirip, bäsleşigiň ýeňijilerini ýagny, öňde baryjy ýygymçylara, kombaýnçylara, mehanizatorlara gymmat bahaly sowgatlary bilen sylaglap, olary höweslendirýäris.
Ýakyn günlerde hem Türkmenistanyň Agrar partiýasynyň Saýat etrap komitetiniň, etrap medeniýet bölüminiň bilelikde gurnamagynda ussat pagtaçy kärendeçileriň, mehanizatorlaryň, kombaýynçylaryň armasyny ýetirmek maksady bilen Saýat etrabynyň Görelde daýhan birleşiginde günortanlyk dynç alyş arakesme wagtynda aýdym-sazly dabara geçirildi. Oňa il sylagly ýaşulylar, etrabyň öňde baryjy ussat pagtaçy kärendeçileri, mehanizatorlary, kombaýynçylary gatnaşdylar. Dabaranyň dowamynda etrabyň öňde baryjy kärendeçilerine, mehanizatorlaryna, kombaýynçylaryna Türkmenistanyň Agrar partiýasynyň Saýat etrap komiteti tarapyndan ýadygärlik sowgatlar gowşuryldy.
Dabaranyň dowamynda etrap medeniýet merkeziniň aýdymçylarynyň Gahryman Arkadagymyzyň, Arkadagly Gahryman Serdarymyzyň il-ýurt bähbitli alyp barýan işlerini wasp edip ýerine ýetiren hoş owazly aýdymlary, tans toparlarynyň tanslary we folklýor çykyşlary gatnaşyjylaryň ruhybelentligini has artdyrdy.
Türkmenistanyň Agrar partiýasynyň Saýat etrap komitetiniň hünärmeni Täzegül Akyýewa