Türkmenistanyň Agrar partiýasy
Berkarar döwletiň täze eýýamynyň Galkynyşy döwründe Türkmen halkynyň Milli Lideri Gahryman Arkadagymyzyň, Arkadagly Serdarymyzyň taýsyz tagallalary bilen ýurdymyzda ýaş nesiller baradaky alada döwletimiziň esasy aladasyna öwrüldi. Gurbanguly Berdimuhammedow adyndaky haýyr sahawat gaznasynyň döredilmegini aýtmak bolar. Häzirki wagtda bu gaznanyn hasabyna kömege mätäç çagalara lukmançylyk hyzmatlary görkezilýär, çagalarymyzyň saglygyny dikeltmek üçin operatsiýalar edilýär. Bu haýyr sahawat gaznasy tarapyndan diňe bir öz ýurdymyzyň däl eýsem daşary ýurtlaryň çagalary üçin hem degişli ynsanperwerlik kömekleri görkezilýär. Ýakynda “Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr sahawat gaznasy” atly kitap çapdan çykyp, biziň elmize gelip gowuşdy. Şu mynasybetli ýurdymyzyň ähli ýerlerinde bolşy ýaly Daşoguz welaýatynda hem tanyşdyryş dabaralary geçirilýär. “Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr sahawat gaznasy” atly neşir edilen kitabyň tanyşdyrylyş dabarasyna welaýatyň il sylagly ýaşulylary, eneleri, Türkmenistanyň Mejlisiniň deputatlary, jemgyýetçilik guramalarynyň wekilleri, pudak edara-kärhanalardan döwlet sylaglaryna mynasyp bolan öňdebaryjy işgärler, Bilim, medeniýet, sport işgärleri, talyplar gatnaşdylar. Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr sahawat gaznasy atly kitap birnaçe bölümlerden ybarat bolup, kitapda gaznanyň alyp barýan işleri barada maglumatlar giňden beýan edilýar. Bular dogrusynda Türkmenistanyň hormatly il ýaşulysy Kurbanmetow Toýly, mährem ene Jumageldiýewa Nurjemal, Daşoguz welaýat kitaphanasynyň kitaphanaçysy Rejepowa Leýla dagylar giňişleýin çykyş etmek bilen kitabyň çapdan çykmagy bilen Gahryman Arkadagymyzy Arkadagly Serdarymyzy tüýs ýürekden gutladylar. Ýaş nesillerimiz barada bimöçber alada edýän, ýaşlarymyzyň saglygyny goramak, dikeltmek boýunça ägirt uly işleri durmuşa geçirýän Türkmen halkynyň Milli Lideri Gahryman Arkadagymyzyň, Arkadagly Serdarymyzyň janlary sag bolsun, ömürleri uzak bolsun, halkyň bagtyýarlygy ugrunda alyp barýan döwletli işleri elmydama rowaçlyklara beslensin.
Çynar Berdikulyýewa. Türkmenistanyň Agrar partiýasynyň Daşoguz welaýat komitetiniň esasy hünärmeni.