Türkmenistanyň Agrar partiýasy
Ynha 2024-nji ýylyň 20-21-nji noýabryndan Lebap welaýatynyň Türkmenabat şäherinde Türkmenistanyň we Özbegistan Respublikasynyň ikinji sebitara forumy geçirilýär.
Bu sebitara foruma hem Türkmenistanyñ Agrar partiýasynyñ Lebap welaýat, Türkmenabat şäher, Dänew, Çärjew, Saýat, Halaç, Kerki etrap komitetleriniñ jogapkär işgärleri gatnaşdylar.
Bu çäräniň ilkinji güni dostluk-doganlyk gatnaşyklary gadymdan gelýän iki ýurduň arasyndaky hyzmatdaşlygyň emele gelendigini añladýar.
Türkmenabat şäherinde ýerleşen "Türkmeniň ak öýi" binasynda we onuň daş-töwereginde halkara türkmen-özbek sebitara forumy geçirildi.
Şol ýerde goňşy ýurtlaryň ykdysady hyzmatdaşlygyny ýene-de güýçlendirmäge goldaw berýän dürli kärhanalaryň, işewürleriň önümleriniñ sergisi gurnaldy.
Lebabyň Seýitnazar Seýdi adyndaky döwlet sazly-drama teatrynda türkmen-özbek sungat ussatlarynyň gatnaşmagynda ajaýyp dostluk konserti geçirildi.
Bu forum Hormatly Prezidentimiziň goňşy ýurtlar bilen ykdysady gatnaşyklaryň ösdürilmegi ugrunda edýän yzygiderli aladalarynyň netijesidigine ýene-de bir gezek göz ýetirdik we guwanjymyzyň hem buýsanjymyzyň çägi ýokdur.
Türkmenistanyñ Agrar partiýasynyñ Çärjew etrap komitetiniň hünärmeni Aýbölek Seýitgulyýewa