Türkmenistanyň Agrar partiýasy
Ýaňy-ýakynda Aşgabat şäherindäki syýahatçylyk orta hünär okuw mekdebinde ,,Ýol hereketiniň howpsuzlygy-ömrümiziň rahatlygy” atly bir aýlygyň çäklerinde geçiriljek wagyz-nesihat çäresini wagyz etmek maksady bilen Türkmenistanyň Agrar partiýasynyň merkezi geňeşiniň, Türkmenistanyň Agrar partiýasynyň Aşgabat şäher komitetiniň, Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky Kitaphana şahamçasynyň hem-de Aşgabat şäherindäki syýahatçylyk orta hünär okuw mekdebiniň bilelikde guramagynda ,,Ýol hereketiniň howpsuzlygy-ömrümiziň rahatlygy” atly wagyz-nesihat çäresi geçirildi.
Wagyz-nesihat duşuşygynda Türkmenistanyň Içeri işler ministrliginiň Polisiýanyň ýol gözegçiligi müdirliginiň 4-nji bölüminiň uly leýtenanty Ýusupow Abraý, Türkmenistanyň Agrar partiýasynyň merkezi geňeşiniň esasy hünärmeni Amanmämmedowa Meňli, Türkmenistanyň Agrar partiýasynyň Aşgabat şäher komitetiniň wekili Nepesow Süleýman, Merkezleşdirilen kitaphanalar ulgamynyň kitaphanaçysy Jemal Garamesowa, Aşgabat şäherindäki syýahatçylyk orta hünär okuw mekdebiniň mugallymy Ataýew Nurmuhammet, Aşgabat şäherindäki syýahatçylyk orta hünär okuw mekdebiniň mugallymy Ýalkabow Jumamyrat çykyş etdiler. Olar çykyşlarynda Hormatly Prezidentimiziň başlangyjy bilen Türkmenistanda ýaşaýan her bir adamyň asuda, abadan durmuşyny üpjün etmek maksady bilen bir hatarda, her ýylyň sentýabr aýynda geçirilýän ,,Ýol hereketiniň howpsuzlygy-ömrümiziň rahatlygy” atly bir aýlygyň çäklerinde ýurdumyzyň görkana ýollarynda hereket howpsuzlygyny üpjün etmek boýunça wagyz-nesihat çäresinde raýatlaryň jan saglygyna, howpsuzlygyna gönükdirilendigini öz çykyşlarynda giňden beýan etdiler.
Duşuşygyň ahyrynda merdana türkmen halkyny milli demokratiýanyň ösüşli aýdyň ýoly bilen bagtyýar geljege alyp barýan türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli işleriniň elmydama rowaçlyklara beslenmegini arzuw etdiler.
Amanmämmedowa Meňli
Türkmenistanyň Agrar partiýasynyň
Merkezi Geňeşiniň
Guramaçylyk we syýasy işler
bölüminiň esasy hünärmeni