Türkmenistanyň Agrar partiýasy
Hormatly Prezidentimiz tarapyndan yglan edilen 2021-nji “Türkmenistan-parahatçylygyň we ynanyşmagyň Watany” ýylynda alnyp barylýan beýik maksatly işler has-da ýokarlanýar.
Daşoguz welaýatynyň S.A.Nyýazow adyndaky etrabynyň kärendeçileri uly zähmet üstünliklerini gazandylar, pagtadan bol hasyl almagy başardylar.
Etrap boýunça 21000 ga ýere gowaça ekilip, 40580 tonna pagta hasyly alnyp, meýilnama 102% ýerine ýetirildi.
Etrabyň pagta borçnamasynyň artygy bilen ýerine ýetirilişinde aýratynda “S.Rozmetow adyndaky oba–hojalyk paýdarlar jemgyýeti”, “Bossan”, “Medeniýet” daýhan birleşikleri ilkinjileriň hatarynda üstünlikli tamamladylar.
“S.Rozmetow adyndaky” oba hojalyk paýdarlar jemgyýeti ekilen 7300 ga meýdandan 15050 tonna pagta hasylyny ýygnap meýilnamany 103% ýerine ýetirdi.
“Bossan” daýhan birleşigi ekilen 483 ga meýdandan 1104 tonna pagta hasylyny ýygnap meýilnamany 113% ýerine ýetirdi.
“Medeniýet” daýhan birleşigi ekilen 546 ga meýdandan 1246 tonna pagta hasylyny ýygnap meýilnamany 113% ýerine ýetirdi.
Şertnamalaýyn borçnamalaryny üstünlikli berjaý edýän pagtaçylaryň, hojalyklaryň sany artýar. Etrapda jogapkärli pagta ýygymy möwsüminde ähli mümkinçiliklerden netijeli peýdalanylýar. Oba-hojalyk pudagyna uly üns berýän Hormatly Prezidentimiziň jany sag, ömri uzak, işleri hemişe rowaç bolsun!
Nodira Allamowa
TAP-nyň S.A.Nyýazow adyndaky etrap komitetiniň hünärmeni