Türkmenistanyň Agrar partiýasy
Türkmen milleti bu gün adalat jemgyýetde, demokratik halk ýolunda ýaşaýar. Bagtyýar geljegine uly ynam bilen barýan halkymyz şanly Garaşsyzlygymyzyň 34-ýyllyk, Bitaraplygymyzyň 30-ýyllyk toýuny uly ösüşler, üstünlikler bilen garşylaýar! Özbaşdak, Garaşsyz Watanly bolmak, erk ygtyýarly ýaşamak adam üçin dünýäde iň uly bagtdyr. Halkymyz şu ýyl bu beýik arzyly bagty, Döwlet, Watan diýen beýik düşünjeleriň gadyr-gymmatyny täzeçe açan mukaddes baýramçylyklarymyzyň şanly senelerini giňden belleýär.
Hormatly Prezidentimiziň, mähriban Arkadagymyzyň parasatly ýolbaşçylygynda bedew bady bilen öňe barýan eziz Watanymyzdaky ösüşler, özgertmeler diňe bir haýrana goýman, has bagtly ertirlere badalga berýär. Ynsan üçin iň ilkinji ezizlikleriň biri Watandyr. Eziz Watanyň parahatçylygynda gülläp ösmegi, adamlaryň abadan durmuşy, bol-elinlikde ýaşamagy baradaky aladalaryň rowaçlanmagy-bularyň barysy bahasyna ýetip bolmajak Bagtdyr.
Garaşsyzlyk ýyllary içinde ykdysadyýetimiziň beýleki pudaklary bilen bir hatarda oba hojalygy depginli ösdirilýär. Pudakda amala aşyrylýan özgertmeler özüniň oňyn netijelerini berýär, döwletimiz daýhanlaryň ýokary öndürjilikli zähmeti üçin zerur şertleri döredilýar.
Ýurdumyzda azyk bolçulygyny üpjün etmegiň döwlet syýasatynyň ileri tutulýan ugurlarynyň biri bolup durýandygyny belläp, milli Liderimiz daşary ýurtlardan getirilýän önümleriň ornuny tutýan önümçüligi berkitmek we ýurdumuzyň eksport mümkinçliklerini artdyrmak, guşçulygy, maldarçylygy hemme taraplaýyn ösdürmek, gök we miwe önümleriniň möçberini artdyrmak wezipelerini wajypdygyna yzygiderli belleýär.
2025-nji ýylyň sentýabr aýynyň 10-na Hormatly Prezidentimiz Arkadagly Gahryman Serdarymyzyň ak patasy bilen , il sylagly ýaşulylaryň bissimillasy bilen Wekilbazar etrabynyň çäginde pagta ýygymyna ak pata berildi.
Biz hem Türkmenistanyň Agrar partiýasynyň Mary welaýat we şäher- etrap komitetleriniň agzybir işgärleri, işjeň agzalary bolup Mary welaýatymyzda gyzgalaňly alnyp barylýan pagta ýygymyna gatnaşyp özümiziň mynasyp goşandymyzy goşyp, ýygymçylary Agrar partiýanyň höweslendiriji sowgatlaryny gowşyrdyk. Bu bolsa edermen kärendeçileri hem-de pagta ýygymyna gatnaşýan mehanizatorlary, ýygymçylary begendirdi.
Hormatly Prezidentimiziň alyp barýan parasatly syýasatyny ilat arasynda wagyz-nesihat etmekde Türkmenistanyň Agrar partiýasynyň Mary welaýat we şäher-etrap komitetleriniň işjeň agzalary giň gerimli işleri alyp barýarlar. Partiýanyň işjeň agzalary ýerlerde geçirilýän baýramçylyk çäreleriniň guramaçylary bolýarlar. Welaýatymyzyň agrosenagat toplumuna degişli pudak edaralarynyň, daýhan birleşikleriniň başlyklarynyň hünärmenleriniň, öňdebaryjy ekerançylaryň Agrar partiýanyň agzalary bolmagy her bir möwsümleýin oba hojalyk işleriniň sazlaşykly gurulmagyna, netijeli geçirilmegine mümkimçilik berýär.
Türkmen halkyny döwletli döwrana ýetiren eziz Watanymyzy asudalykda gülledip berkarar eden, has bagtyýar ertirlere alyp barýan, ýeneki üstünliklere, ruhubelentliklige atarýan Gahryman Arkadagymyzyň, Hormatly Prezidentimiz Arkadagly Gahryman Serdarymyzyň jany sag, ömri uzak, abraý-mertebesi mundan hem belent ýurdy abadan, ili aman bolsun!
Kemal Akmämmedow
Türkmenistanyň Agrar partiýasynyň Mary welaýat
komitetiniň Guramaçylyk we syýasy işler bölüminiň
baş hünärmeni