Türkmenistanyň Agrar partiýasy
Berkarar döwletimiziň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda hormatly Prezidentimiziň taýsyz tagallarynyň netijesinde ýurdumyzyň oba hojalyk pudagynda durmuşa geçirilýän işleriň ilerlemegi, döwlete tabşyrylýan hasyl üçin höweslendiriş çäreleriniň ýola goýulmagy, halal hem öndürijilikli zähmet çekmek üçin göwnejaý şertleriň döredilmegi kärendeçi daýhanlaryň göwünlerini göterip, olary taze-täze üstünliklere ruhlandyrýar. Garaşsyz, hemişelik Bitarap ýurdumyzda halkymyzyň azyk bolçulygynyň döredilmegi babatda Gahryman Arkadagymyzyň taýsyz tagallalaryny işjeň dowam etdirýän hormatly Prezidentimiziň dürli görnüşli oba hojalyk ekinleriniň hatarynda bugdaýyň bereketli hasylyny kemala getirmek, saklamak, gaýtadan işlemek boýunça öňde goýýan wezipeleriniň üstünlikli ýerine ýetirilmegine mynasyp goşant goşmagy maksat edinýän Balkan welaýatynyň gallaçylary hem ak bugdaýyň bol hasylyny ýetişdirdiler.
Mukaddes Garaşsyzlygymyzyň şanly 32 ýyllyk toýunyň uludan belleniljek Arkadag Serdarly bagtyýar ýaşlar ýylynda welaýatymyzyň edermen gallaçy daýhanlary 80 müň tonna guşgursak galla hasylyny Watan harmanyna goşmagy maksat edinýärler. Bu günler ýetişdirilen ak bugdaýyň bol hasylyny isripsiz ýygnamakda gaýratly zähmet çekýän Balkan welaýatynyň daýhanlary hem galla oragy möwsüminde işleriň depginini günsaýyn güýçlendirmek bilen, galla tabşyrmak boýunça borçnamalaryny ýerine ýetirmek ugrunda yhlasly alada edýärler. Galla oragy möwsümini üstünlikli geçirmekde, öňde goýlan arzyly maksatlara ýetmekde welaýatymyzda degişli işler ýerine ýetirilip, häzirki wagtda bugdaý orýan kombaýnlar, awtoulaglar, galla kabul ediş bölümleri sazlaşykly hereket edýär.
“Berkarar döwletiň täze eýýamynyň Galkynyşy: Türkmenistanyň 2022-2052-nji ýyllarda durmuş-ykdysady taýdan ösdürmegiň Milli maksatnamasyny” durmuşa geçirmegiň çäklerinde welaýatymyzyň oba hojalyk pudagynda batly depginler bilen alnyp barylýan şeýle işler halkymyzyň bolelin ýaşamagyna, şeýle-de ýurdumyzda azyk bolçulygyny döretmekde oňyn itergi berip, täze-täze sepgitlere atarýar. Ýurdumyzyň ykdysadyýetiniň möhüm pudagy bolan oba hojalygyny ösdürmekde irginsiz aladalary edýän Gahryman Arkadagymyzyň, Arkadagly Serdarymyzyň welaýatlary mundan beýläk-de ösdürmekde, ýurdumyzda azyk bolçulygyny üpjün etmekde edýän tagallarynyň ýerine düşýändigi şu günlerde joşgunly zähmet gaýnaýan galla meýdanlarynda aýdyň görünýär. Galla oragy möwsüminiň gyzgalaňly pursatlarynda zähmetsöýer gallaçylarymyza işlerinde üstünlikleriň ýar bolup, ýürek buýsanjymyzy “Harmanyňyza bereket, edermen gallaçylar!” diýen sözler bilen beýan edýäris.
Aýnatäç Nedirowa,Türkmenistanyň Agrar partiýasynyň Balkan welaýatynyň Balkanabat şäher komitetiniň esasy hünärmeni