Türkmenistanyň Agrar partiýasy
Boldumsaz etrabynyň «ak altyn» ussatlary 20 müň 500 gektarda gowaçanyň ýerli toprak-howa şertlerine ýokary hasyl bermäge durnukly görnüşlerini ýetişdirýärler. Häzirki günlerde olar gowaçanyň idegini agrotehnikanyň talaplaryna laýyklykda alyp barýarlar. Pagtaç daýhanlar gowaça ýetişdirilýän meýdanlarda mineral dökünler bilen iýmitlenirmek, ösüş suwuny tutmak we gowaçanyň üjyny çyrpmak işleri bilen utgaşyklykda, zyýankşleriň we keselleriniň ýüze çykmagynyň öňüni almak boýunça çärelere aýratyn jogapkärçilikli çemelşýärler.
,, Pähim Paýhas Ummany Magymguly Pyragy'' ýylynda gowaçanyň bol hasylyny kemala getirip, bu babatdaky şertnamalaýyn borçnamany artygy bilen berjaý etmek, şeýlelikde mukaddes Garaşsyzlygymyzyň şanly 33 ýyllyk toýuna sowgatly barmak pagtaçylaryň esasy maksadydyr. Bu asylly maksat olary tutanýerli işlemäge ruhlandyrýar. Meýdan işleriniň gyzgalaňly dowam edýän häzirki günlernde Türkmenistanyň Agrar partiýasynyň etrap komitetleriniň we ilknji partiýa guramalarynyň wekilleri oba zähmetkeşleri bilen iş üstünde duşuşyp, olaryň armalaryny ýetirip durýarlar.
Türkmenistanyň Agrar partiýasynyň Daşoguz welaýatynyň Boldumsaz etrap komitetiniň hünärmeni. Türkmenistanyň Halk Maslahatynyň agzasy Jumakow Ýusup