Türkmenistanyň Agrar partiýasy
Garaşsyzlygymyzyň şanly 32 ýyllyk toýuna welaýatymyzyň pagta kärendeçileri hem özleriniň zähmet sowgatlary bilen barýarlar. Pagta ýygymyna girişilen ilkinji günlerinde pagta kärendeçileri birnäçesiniň şertnamalaýyn borçnamasyny berjaý etmekligi şanly toýa mynasyp toý sowgady boldy. Bularyň birnäçesiniň atlaryny agzap geçsek ýerlikli bolar. Saparmyrat Türkmenbaşy etrabynyň Parahat daýhan birleşiginiň kärendeçisi Babaýewa Bibigül, Haýdarowa Äşe, Atajykowa Ogulboldy,dagylary görkezmek bolar. Bu kärendeçileriň göreldesine eýerýän welaýatymyzyň ähli pagta kätendeçileri özleriniň yhlasly zähmetleriniň netijesinde kemala gelen ak altyny gysga wagtda ýygnap Watan harmanyna tabşyrmak ugrunda iş depginlerini barha batlandyrýarlar. Pagta ýygymy möwsüminde ýüwrek elli gelin gyzlarmyzyň öz aralarynda bäsleşip ýygyma işjeň gatnaşmagy bu işiň barha ýokary depginlerde gitmegine, ak altyn harmanlarymyzyň gün saýyn beýgelmegine uly mümkinçilik berýär.
Çynar Berdikulyýewa. Türkmenistanyň Agrar partiýasynyň Daşoguz welaýat komitetiniň esasy hünärmeni.