Türkmenistanyň Agrar partiýasy
Oraza baýram – ruhy däp-dessurlaryň, milli jebisligiň, taryhy we medeni mirasa hormat goýulmagyny görkezýän baýramçylykdyr.
Türkmenistanda yslam diňe bir din bolman, eýsem akyl aýratynlygyny kesgitleýän, nesilden-nesle geçýän aýratyn dünýägaraýyşdyr. Merkezi Aziýanyň arheologiýasy boýunça ýöriteleşen dünýä belli taryhçy Wadim Mihaýlowiç Masson milli mentalitetiň aýratynlyklaryny - dini çydamlylygy, asudalygy we hoşniýetliligi düşündirýän “Türkmenler halk yslam dini” kesgitlemesini düzdi.
Yslam dininiň esasy kadalryna eýerip, şol sanda Remezan aýynda her ýyl otuz günlük agyz beklemek bilen, türkmen halky beden we ruhy taýdan kämillik, gowy ýörelgeleriň artykmaçlygy we erk-islegiň ösmegini isleýär. Tutuş aýyň dowamynda berk agyz beklenýär, ýagşy amallar edilýär we “agzaçar” sadakasy berilýär.
Remezan aýynyň ýigrimi ýedinji gijesi - Gadyr gijes iň gadyrly, keramatly, gudratly güýçlere ynanýan iň hormatlanýan gijedir. Bu gije, Gudratygüýçli Allatagala Gurhanyň ilkinji aýatlaryny iberip, iň gowy pikirler we arzuwlar bilen garşylamaly. Däp bolşy ýaly, adamlar bu pygamber Hydyr atany görmek umydy bilen ýatmaýarlar, rowaýata görä, arassa pikirli, dogruçyl adamlara görünýär. Bu gije her bir maşgala ýagty gelejek, abadan durmuş, bagt we jan saglyk üçin aýat-töwür okaýarlar.
Gurban baýramy Remezan aýynyň ahyryny belleýär. Bu dynç alyşda türkmen halky köp sanly dastarhanlary, saçaklary ýazýarlar, öýleriniň gapysyny giňden açýarlar, bir-birine myhman baryp, goňşulara tagam hödürleýärler, birek-birege sowgat berýär we zyýarata gidýärler. Bilelikde ýokary ruhy, şatlygy, agzybirligi we abadançylygy alamatlandyrýan güni belleýärler. Baýramçylyk dabaralary şäherleriň we obalaryň hemme ýerinde geçirilýär.
Hormatly Prezidentimiz nesilleriň ruhy terbiýesiniň we köňül tämizliginiň gönezligi bolan milli däp-dessurlarymyzy gaýtadan dikeltmek, olary döwrebap ösüşe ýugrup, durmuşa ornaşdyrmak üçin uly aladalar edýär. Ynha, uly arzuw-umytlar bilen garşylap, ýagşy dilegler bilen bellenilýän Oraza baýramy agzybir halkymyzyň milli däp-dessurlary täze röwüşde dabaralandyrylýar.
Şu ajaýyp pursatdan peýdalanyp, türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy, külli türkmen halkymyzy toý-baýramlaryň goşa-goşadan gelýän berkarar döwletiň täze eýýamynyň galkynyşy döwründe garşylanýan Oraza baýramy bilen tüýs ýüregimden gutlaýaryn!
Öz halkyna şeýle eşretli zamanany peşgeş beren türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag bolsun, tutýan tutumly işleri elmydama rowaçlyklara beslensin!
Türkmenistanyň Agrar partiýasynyň Saýat etrap komitetiniň esasy hünärmeni Jeren Kulyýewa