Türkmenistanyň Agrar partiýasy
Berkarar döwletiň täze eýýamynyň Galkynyşy döwründe Arkadagly Serdarymyzyň ýolbaşçylygynda türkmen halkymyzyň her bir güni ýatdan çykmajak pursatlara, taryhy wakalara beslenýär. 2023-nji “Pähim paýhas ummany – Magtymguly pyragy” ýylynyň oktýabr aýynyň soňky ýekşenbesinde türkmen alabaýlarynyň baýramy ýurdumyzyň ähli künjeklerinde giň gerim bilen bellenilip geçilýär. Eýesine wepalylygy, garadan gaýtmazlygy, duýgurlygy, syzyjylygy, akyllylygy, hojaýynyň sesini eşidenden, onuň näme isleýändigine düşünmegi türkmen alabaýlaryny tapawutlandyrýan esasy aýratynlyklardyr. Adamlar öýden çykanlarynda, gapysyna gulp urmaýarlar. Olaryň yzynda wepadar goragçylary galyp, maşgalasynyň howpsuzlygyny doly oňa ynanýarlar. Gadym wagtlardan bäri alabaý köpekleri ýeke bir mal iti hökmünde ulanylman, sakçy, garawul hökmünde-de peýdalanylyp gelinýär. Hormatly Prezidentimiziň taýsyz tagallalary netijesinde ýurdumyzyň ähli welaýatlarynda döwrebap itçilik merkezleri gurlup ulanylmaga berildi.
Şu ýerde şeýle bir zady hem aýratyn belläsim gelýär. Arkadagly Serdarymyzyň jemgyýetçilik guramalaryň öňünde goýan wezipelerinden ugur alýan Türkmenistanyň Agrar Partiýasynyň agzalary olary üstünlikli ýerine ýetirmekde yhlaslaryny gaýgyrmaýarlar. Hormatly Prezidentimiziň agrar syýasatyndaky ajaýyp özgertmelerini her ädimde diýen ýaly duýup ýaşaýan, işleýän gujur gaýratly agzalary terbiýelemek, olary dogry ýola gönükdirmek biziň her birimiziň borjumyzdyr. Mundan beýläk hem, biz halal zähmet çekip, ata Watanymyzyň ösüşine mynasyp goşant goşjakdygymyza tüýs ýürekden, ynandyrýaryn!
Şu ajaýyp pursatdan peýdalanyp ähli türkmen halkymyzy Arkadagly Serdarymyzy Türkmen Alabaýynyň baýramçylygy mynasybetli tüýs ýürekden gutlaýan. Goý Türkmen halkynyň Milli lideri gahryman Arkadagymyzyň we Arkadagly Serdarymyzyň janlary sag, başlary dik bolsun, il ýurt bähbitli alyp barýan işleri mundan beýläk hem rowaçlyklara beslensin.
Türkmenistanyň Agrar partiýasynyň Balkan welaýat komitetiniň Guramaçylyk we syýasy işler bölüminiň sanly tehnologiýalar we maglumat howpsyzlygy boýunça baş hünärmeni Isagulyýew Toýguly.