Türkmenistanyň Agrar partiýasy
Oba hojalyk pudagynda aýratyn orny eýeleýän ýüpek gurçugyny idetmek möwsümi hem ýetip geldi. Şu ýyly S.A.Nyýazow adyndaky etraby boýunça 4600 guty ýüpek gurçugyny idetmek üçin ýüpekçi kärendeçileriň 4432 gowragy bilen şertnama baglaşyldy. Etrapda ýüpek gurçugyny idetmekde öňde baryjy hatarynda Sadulla Rozmetow adyndaky paýdarlar jemgyýetini aýtmak bolar. Bu hojalykda şu ýyly 23 müň 579 gram ýüpek gurçugyny idetmek üçin ýüpekçi kärendeçileriň 845 kärendeçi gaýratly zähmet çekýärler. Bu hojalykda kärendeçileriň ählisiniň köp iş ýyllyk tejribesi bar. “Türkmenistan Parahatçylygyň we Ynanyşmagyň Watany” ýylynda tejribeli pile kärendeçileri Mukaddes Töräýewa 35 gram ýüpek gurçugyndan, 222 kilogram, Bagtyýar Rahymow 35 gram ýüpek gurçugyndan 247 kilogram, Sanobar Töräýewa 30gram ýüpek gurçugyndan, 234 kilogram döwlet harmanyna pile tabşyrdylar. Olar her ýyly ýüpek gurçugyndan bol pile hasylyny taýýarlaýarlar. Olar özleriniň tejribelerine daýanyp şu ýyly hem ýüpek gurçugynyň idegini kemsiz berjaý edýärler. Ýüpek gurçuklarynyň tut ýapraklary bilen üpjünçiligine, saklanýan jaýlarynyň arassalygyna, ýylylygyna aýratyn ähmiýeti berýärler. Şu günler ýüpek gurçuklaryny tut ýapraklaryny maýdalap iýmitlendirýärler. Bu kärendeçileriň ählisi bildirilýän talaplara görä berjaý etmekligi bol pile hasylyny ýetişdirmäge uly mümkinçilik berýär.
Jennet Saparowa - Türkmenistanyň Agrar partiýasynyň Daşoguz şäher komitetiniň başlygy